İranda Xomeynçilərin qurbanı, təhsil naziri olmuş Fərruxru Parsa bu gün qadınlar tərəfindən çox sevilir.
1968-77-ci illərdə nazir olmuş bu xanım 8 May 1979-ci il tarixində Xomeyniçilər tərəfindən “Allaha qarşı gəlir, fahişəliyi təşviq edir” ittihamı ilə edam olunub. Alp.az xəbər verir ki, edama əsl səbəb isə qadın nazirin çadra altına girməsindən etiraz etməsidir. Qeyd edim ki, İranda “Hicab qanunu” İslam İnqilabından dərhal sonra çıxmadı. Qadınlar ilk zamanlarda başları açıq gəzməyə davam etdilər. Xomeyninin televiziyada apardığı bir danışıqda qadınlara örtünmələrini əmr etməsinin ardından 8 mart 1979-cu ildə Tehranda on minlərlə qadın bunu etiraz etmək üçün meydanlara çıxmışdı. Bunlardan biri də keçmiş təhsil naziri Parsa idi. Məhz onun nümayişçilər önündə olması onun edam olunmasına səbəblərdən biri oldu. Onu edam edən zaman meyidini təhqir etmək üçün çuvala salıb, ağzını bağlayıb elə öldürüblər.
O, həbsxanada olanda övladlarına ünvanladığı son məktubunda bu sözləri yazmışdı:
“Mən həkiməm. Ona görə ölümdən qorxmuram. Ölüm sadəcə bir andır və ondan artıq bir şey deyildir. Mən qalın örtük altında şərəfsiz həyat yaşamaqdansa, ölümü qucaqlamağı üstün tuturam. Mən yarım əsrdən çox kişi və qadın bərabərliyi uğrunda mübarizə aparmışam və indi heç kəsin qarşısında diz üstə çökməyəcəyəm. Mən çadra daşımaq və tarixdə geriyə addım atmaq istəmirəm”
