“Azərbaycan ordusu Fərrux dağını götürməklə Qarabağda nəzarəti öz əlinə alıb” – Alp.az xəbər verir ki, bu açıqlamanı erməni siyasi fəal Armen Xaçikyan sosial şəbəkə hesabında yazıb.
Armen Xaçikyan sosial şəbəkə hesabında yazır: “Azərbaycan Ordusu Daşbaşı yüksəkliyində mövqelərini gücləndirib. Onlar Fərrux kəndinə nəzarət edirlər. Kənddə rus sülhməramlıları da var.
Azərbaycan təkcə Daşbaşıdakı yaylanı nəzarətində saxlamır, həm də Pirlər, Sərdarkənd və Xanabad istiqamətində də irəliləyir. Onlar öz mövqelərini yaxşılaşdırıb, möhkəmləndirdikcə, adıçəkilən kəndlərin birbaşa götürülməsini təmin etməyə çalışırlar. Daşbaşıya artıq traktorlarla yeni yollar salıblar.
Bu o deməkdir ki, Azərbaycan Ordusu Seysulan istiqamətində Xaçın körpüsünə doğru irəliləyib, Xankəndi ilə Ağdərə arasındakı yolu bağlayıb, onu iki yerə bölməyi hədəfləyir”.
Armen Xaçikyan paylaşdığı xəritə ilə ərazini təsvir edib.
P.S. Fotonu paylaşan erməni bildirib ki, həmin xərtədəki mövqelər artıq Azərbaycan Ordusunun nəzarəti altındadır.
