image-ads_2000x150
image-9999backend

Böyük Britaniya gələcəyin təyyarəsini nümayiş etdirdi… – Hidrogenlə işləyəcək… 

image-ads_728x90

Aerokosmik Texnologiyalar İnstitutunun alimləri Böyük Britaniya hökumətinin dəstəyi ilə aviasiyanın gələcəyini formalaşdıra biləcək təyyarə yaradıblar. Tədqiqatçılar planet üçün zərərsiz hidrogen yanacağı ilə işləyəcək sərnişin təyyarəsinin layihəsini nümayiş etdiriblər.

Alp.az bu barədə “Bloomberg” nəşrinə istinadla xəbər verir.

Təyyarə kommersiya uçuşlarında karbon qazı tullantılarının azaldılmasını nəzərdə tutan FlyZero konsepsiyasının bir hissəsi kimi hazırlanıb – Britaniya hökuməti proqramın həyata keçirilməsi üçün 15 milyon funt-sterlinq ayırıb. Mütəxəssislər hidrogeni bu məqsəd üçün ən perspektivli vasitələrdən biri hesab edirlər.

Təqdim olunan təyyarə orta ölçülüdür, qanadlarının uzunluğu 54 metrdir – “Boeing 767”-dən böyük və “Boeing 787”-dən kiçikdir. Model iki turbopər mühərrik və quyruq və gövdənin ön hissəsində hidrogen üçün kriogen çənlərlə təchiz olunub. Çənlər yanacağı mənfi 250 dərəcə Selsi temperaturunda saxlayacaq.

Tədqiqatçılar bildirirlər ki, layner 279 sərnişini Londondan San-Fransiskoya reaktiv mühərrikli təyyarələrlə eyni sürət və rahatlıqla daşıya biləcək. Bununla belə, hidrogeni gəmidə saxlamaq daha çətin və daha bahalıdır və lazımi infrastrukturun qurulması və hava limanlarının yeni yanacaqdoldurma məntəqələri ilə təchiz edilməsi illər tələb edəcəkdir.

Qeyd edək ki, dünya ictimaiyyətinin karbon tullantıları əleyhinə planlarını qarşılamağa çalışan aviasiya sənayesi böyük təzyiq altındadır. Bəzi şirkətlər istixana qazı tullantılarını azaltmaq üçün başqa üsullara əl atırlar – təyyarələri tullantı yağ və kerosin əsaslı bioyanacaqla doldurur, həmçinin elektrik mühərrikləri olan nəqliyyat vasitələri yaradırlar. Bununla belə, mövcud texnologiya və akkumulyatorların çəkisi onu kiçik laynerlər və qısa məsafələrə uçan hava taksiləri ilə məhdudlaşdırır.Moderator.az

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki