“Bolqarıstan Ukraynaya silah təchizatında iştirak etməyəcək. Bu ölkənin hərbi imkanlarının zəiflədilməməsi üçün vacib məsələdir”.
Alp.az-ın xəbərinə görə, bunu Bolqarıstan prezidenti Rumen Radev Novo-Selo poliqonunda NATO nümayəndələrinin iştirakı ilə keçirilən görüşdə bildirib.
O deyib ki, Bolqarıstanın mövcud situasiyada qarşılaşdığı vəziyyəti anlamaq lazımdır:
“Aydın şəkildə başa düşülməlidir ki, Bolqarıstan yeni nümunələr almadan ordusunun silah təminatını Ukraynaya verə bilməz. Nəzərə alınmalıdır ki, Rusiyanın Qərblə qarşıdurması vəziyyətində Bolqarıstan da riskli bölgədə yerləşir”.
Prezident bildirib ki, yeni hərbi vasitələrin əldə olunması isə illərlə uzana bilər. Bu isə Bolqarıstan ordusunun döyüş qabilliyətinə mənfi təsir göstərəcək.
Xatırladaq ki,bir müddət əvvəl Bolqarıstan parlamenti Ukraynaya hərbi yardımla bağlı qərar qəbul etmişdi.
