Bəhreyn hökuməti İranın çirkli pullarını yuması ittihamı ilə “Əl-Mustəqbəl” Bankına qarşı qərar çıxarıb.
Alp.az xəbər verir ki, Bəhreynin Apellyasiya Məhkəməsi İran Mərkəzi Bankı və digər bir neçə bankın xeyrinə çirkli pulların yuyulması ittihamı ilə “Əl-Mustəqbəl” Bankı və onun 6 işçisinə qarşı hökm çıxarıb.
Bəhreyn prokurorunun müavini Vael Bu-Əlavi oktyabrın 31-də rəsmi açıqlamasında Bəhreyn Apellyasiya Məhkəməsinin bank işçilərindən 5 nəfərin 10 il, 1 nəfərin isə 5 il müddətinə azadlıqdan məhrum edilməsi barədə hökm çıxarıldığını açıqlayıb.
Apellyasiya məhkəməsi habelə müttəhimlər tərəfindən bir milyon Bəhreyn dinarı və eyni məbləğin İran Mərkəzi Bankı və çirkli pulların yuyulmasında iştirak edən digər banklar tərəfindən ödənilməsi haqqında qərar verib.
Məhkəmə eləcə də 148 milyon 71 min dollar, 967 milyon 937 min avro, 53 milyon 350 min Birləşmiş Ərəb Əmirlikləri dirhəmi və 235 milyard 93 milyon İran rialını da müsadirə etdiyini bildirib.
