Ukrayna hərbçiləri Rusiya qoşunlarına “Bayraktar TB2” pilotsuz uçuş aparatları ilə zərbə endirib.
Bu dəfə hədəf olaraq Rusiya ordusuna yanacaq daşıyan eşelon seçilib. Zərbə nəticəsində yanacaq çənləri məhv edilib.
Həmin görüntüləri təqdim edirik:
Bundan əlavə “Bayraktar TB2” Rusiya tankını və iki “BUK” Zenit Raket Komplekslərini dəqiq atəş nəticəsində məhv edib.
Həmin görüntüləri təqdim edirik:
***
Ukraynanın Sumı bölgəsində bu gün Rusiya ordusunun 100 ədədə yaxın hərbi texnikası bir dəfəyə məhv edilib. Bu barədə Sumı Regional Hərbi Administrasiyasının rəhbəri Dmitri Jivitski öz Teleqram kanalında məlumat verib.
Onun sözlərinə görə, bu, Lebedinski rayonunda baş verib.
Ukrayna Silahlı Qüvvələrinə məxsus “Bayraktar” pilotsuz uçan aparatlarından hazırlanmış videoda düşmən maşınlarının dayanacağına vurulan zərbələr əks olunub.
***
“Bayaraktar” PUA-ları Ukraynada rus texnikalarını zərərsizləşdirməkdə davam edir.
Bu gün “Bayraktar” Pilotsuz Uçuş Aparatı rus ordusuna məxsus daha bir “BUK” Zenit Raket Komplekslərini dəqiq atəş nəticəsində məhv edib.
Həmin görüntüləri təqdim edirik:
***
“Bayraktar” Ukraynada daha bir uğurlu əməliyyat reallaşdırıb.
“Bayraktar” PUA-sı Ukraynada rus hərbi karvanını darmadağın edib.
“Bu gün, fevralın 28-də, Kiyev yaxınlığında ərazi müdafiəsi rus faşistlərini “qonaqpərvərliklə” qarşılayıb. Müvafiq görüntülər internetdə yerləşdirilib”, – deyə, UNİAN da yazıb.
Görüntülərdən aydın olur ki, əməliyyat zamanı düşmənin bir neçə hərbi texnikası və xeyli sayda canlı qüvvəsi məhv edilib.
Həmin görüntüləri təqdim edirik:
Qeyd edək ki, bu gün “Clash Report” resursu məlumat yayıb ki, görüntülü dəlillər münaqişə bölgəsində Ukraynanın “Bayraktar” TB-2 PUA-sının vasitəsilə Rusiya ordusuna aid azı 21 texnika və təchizatını zərərsizləşdirdiyini göstərir.
Məlumata görə, indiyədək azı 2 ədəd “Buk-M1-2” raket sistemi, 1 ədəd “Tor-M2” hava hücumundan müdafiə sistemi, 4 ədəd 152mm-lik “Msta-B” haubitsası, 14 yük avtomobili “Bayraktar” tərəfindən məhv edilib.
Qeyd edək ki, “Clash Report” nəşri Türkiyə Silahlı Qüvvələrinin Suriya və Liviya ərazisində “Bayraktar” TB2 vasitəsilə apardığı hava əməliyyatlarının eksklüziv kadrlarını yaymaqla məşhurlaşıb.
