Baş nazir Nikol Paşinyanla Azərbaycan Prezidenti İlham Əliyev arasında operativ əlaqəni təmin edən ikinci rəsmi şəxs hökumət aparatının xarici əlaqələr şöbəsinin rəhbəri Qraçya Taşyan olub.
Alp.az “Sputnik”ə istinadla xəbər verir ki, bu barədə “ANİ” Erməni Araşdırmalar Mərkəzi məlumat yayıb.
“İkinci rəsmi şəxs Qraçya Taşyandır. Əgər Artur Vanetsyan azərbaycanlı həmkarı ilə görüşmüşdüsə, Taşyan İlham Əliyevin ən sadiq adamlarından olan Hikmət Hacıyevlə Vatsap vasitəsilə danışıb”, – məlumatda qeyd olunub.
Qeyd edək ki, Ermənistan Milli Təhlükəsizlik Xidmətinin keçmiş rəhbəri Artur Vanetsyan dünən açıqlamasında onunla yanaşı başqa bir nəfərin də Bakı ilə operativ əlaqəni təmin etdiyini bildirmişdi. Vanetsyan həmin şəxsin mərkəzi aparatın işçisi olduğunu desə də, ad çəkməmişdi.axar
