1918-ci ildə Bakının bolşevik-daşnak işğalından azad olunmasında müstəsna rolu olmuş Qafqaz İslam Ordusunun komandanı Nuru Paşaya paytaxtda at belində heykəl qoyulmalıdır.
Alp.az xəbər verir ki, bu təkliflə Milli Məclisin deputatı Fazil Mustafa çıxış edib.
“Ankarada istiqlal şairimiz Əhməd Cavada gözəl bir abidə qoyuldu. Tükiyədən Azərbaycana bir qardaşlıq ərməğanıdır bu. Nə qədər gözəl davranış. İndi növbə bizə düşür. Vaxtı deyilmi buna dəyərli bir qardaşlıq addımı ilə cavab verək? Bakıda Azneft Meydanında Azərbaycanın xilaskarı Nuri Paşanın at belində heykəli! Biz Əhməd Cavada sevindiyimiz qədər qardaşlarımız da Türkiyədə sevinərlər. Fəna olmaz, deyilmi? Şuşa Bəyannaməsinin də hər bəndinə tam uyğun!”, – deyə millət vəkili bildirib.
