“Gorus-Qafan yolunda Azərbaycan sərhəd və gömrük nəzarəti yaradıldıqdan ermənilər başa düşdü ki, indi əvvəlki vəziyyət deyil.” -bu açıqlama ilə erməni ombudsman Arman Tatoyan çıxış edib.
Ombudsman Arman Tatoyan bildirib ki, noyabrın 11-nə keçən gecədən etibarən Gorus- Qafan yolunun Eyvazlı hissəsində Azərbaycan tərəfi də Ermənistan Respublikası vətəndaşlarına və mallarına münasibətdə gömrük və pasport nəzarətini həyata keçirir. Tatoyan bildirib ki, Azərbaycan tərəfi avqust ayından yolun bu hissəsində iranlı sürücülərdən gömrük rüsumları yığır.
Ermənistan da lazım gələrsə, gömrük və pasport nəzarəti məntəqələri yaradacaq və bu hissədən keçən vətəndaşlara ötən həftə istifadəyə verilmiş M2 yolundan istifadə etmələri tövsiyə olunur.
“Azərbaycan tərəfi bu postları ərazidə yerləşdirməklə erməni xalqını başa saldı ki, bu postlardan istədiyi zaman keçə bilməz və burada onların sözü keçir.. İndi bu ərazidə yaşayan ermənilər çətinliklə üz-üzədir. Yerli sakinlər bu çətinliklərə dözməyərək ərazini tərk edir.”- deyə Arman Tatoyan bildirib.
