Futbol üzrə Avropa çempionatında 1/8 final mərhələsinin ikinci oyunu keçirilib.
Alp.az bildirir ki, iyunun 26-da Londondakı “Uembli” stadionunda İtaliya və Avstriya yığma komandaları üz-üzə gəliblər.
Matçın əsas vaxtında qapılara top vurulmayıb. Qalibi müəyyənləşdirmək üçün oyuna əlavə vaxt təyin olunub. Əlavə hissədə rəqibini 2:1 hesabı ilə məğlub edən İtaliya millisi “Avro-2020″nin 1/4 final mərhələsinə adlayıb.
İtaliya millisinin heyətində Federiko Çiesa, Matteo Pissina, rəqib komandadan isə Saşa Kalajdziç fərqlənib.
İtaliya millisi 1/4 finalda Belçika – Portuqaliya qarşılaşmasının qalibi ilə görüşəcək.
