“Erməni xalqı qarşısına məqsəd qoymalı və bütün türkləri məhv etməlidir. Biz Cənubi Qafqazda və Şərqi Anadoluda möhkəmlənmək üçün terror törətməli, türkləri qorxu altında saxlamalıyıq.” –Qurgen Yanıkyan
Qurgen Yanıkyan. Bu ad çoxlarına tanış olmaya bilər. Amma Qurgen Yanıkyan erməni terror şəbəkəsinin başında duran ASALA terror təşkilatının bütün terror aktlarını planlaşdıran şəxslərdən biri olub. Kimdir Qurgen Yanıkyan?
Qürgen Yanıkyan 24 dekabr 1895-ci ildə Ərzurum şəhərində anadan olmuşdur. Birinci dünya müharibəsindən sonra ABŞ–a köçür, burada mühəndis kimi fəaliyyət göstərir, mühəndislik fəaliyyəti ilə yanaşı yazıçılıqla da məşğul olur.
Yanıkyan ABŞ–da bir neçə roman nəşr etdirir. 27 yanvar 1973–cü ildə 78 yaşlı Qürgen Yanıkyan Santa Barbara şəhərində yerləşən “Baltimor” otelində Türkiyənin Los-Ancelesdəki konsulu Məhməd Baydur və vitse-konsul Bahadur Demirə onda olan sultan Əbdülhəmidin portretini Türkiyəyə bağışlamaq bəhanəsi ilə görüş təyin edir. Diplomatlar otelə gəldikdə Yanıkyan onda olan tapançadan atəş açaraq diplomatları qətlə yetirir. Məhkəməsi zamanı Yanıkyan öz cinayəti barədə bunları demişdi:
“Mən iki insanı yox iki pisliyi öldürmüşəm. Onlar mənim üçün adam deyildilər”
Həmin il məhkəmənin gərarı ilə Yanıkyan ömürlük həbs cəzasına məhkum olunur. Lakin 1984-cü ildə səhhətindəki problemlərlə əlaqədar olaraq Yanıkyan həbsdən azad olunur. Onun ABŞ-da böyük terror şəbəkəsi qurduğu məlum idi. Avropada, ümumiyyətlə dünyada türklərə qarşı bütün terror aktlarının birbaşa göstərişini, yazıçı cildinə girmiş Yanıkyan verirdi. Həbsdən çıxdıqdan bir ay sonra Yanıkyan ölür.
Məhz xərçəngdən öləcəyini bilər 78 yaşlı qoca terroçu ömrünün son anında belə iki türk diplomatını öldürür.
Qürgen Yanıkyanın göstərişi ilə törədilən terror aktlarını təqdim edirik.
22 oktyabr 1975-ci ildə Türkiyənin Vyanadakı səfiri Daniş Tunagil öldürülür.
24 oktyabr 1975-ci ildə Türkiyənin Parisdəki səfiri İsmail Erez sürücüsü ilə birlikdə qətlə yetirilir.
16 fevral 1976-cı ildə Türkiyənin Beyrutdakı səfirliyinin baş katibi Oktar Cirit öldürülür.
9 iyun 1977-ci ildə Türkiyənin Vatikandakı səfiri Taha Carın öldürülür.
Türkiyənin İspaniyadakı səfiri Zeki Kuneralp, 2 iyun 1978-ci ildə öldürülür.
12 oktyabr 1979-cu ildə Türkiyənin Laheydəki səfiri Özdemir Benlerin oğlu Ahmet Benler qətlə yetirilir.
22 dekabr 1979-cu ildə Türkiyənin Parisdə Turizm Məsləhətçisi Yılmaz Çolpan öldürülür.
31 iyul 1980-ci ildə Türkiyənin Afina İnzibati Attaşesi Qalip Özmen və qızı Asala öldürülür. Bu hücumda Qalip Özmenin oğlu və həyat yoldaşı yaralanır.
17 dekabr 1980-ci ildə Türkiyənin Avstraliyadakı Baş Konsulu Şarık Arıyak və mühafizəçisi öldürülür.
17 aprel 1980-ci ildə Türkiyənin Vatikandakı səfiri Vecdi Türel öldürülür.
26 sentyabr 1980-ci ildə Türkiyənin Parisdə Mətbuat müşaviri Selçuk Bakkalbaşı silahlı hücum nəticəsində yaralanır.
4 Mart 1981-ci ildə Türkiyənin Parisdəki Əmək Attaşesi Reşat Moral öldürülür.
9 iyun 1981-ci ildə Türkiyənin Cenevrədəki Baş Konsulluğunun katibi Mehmet Savaş, öldürülür.
Qoşqar Salmanlı
