Ermənistan Müdafiə Nazirliyinin mətbuat xidmətinin sabiq katibi, polkovnik-leytenant Artsrun Hovhannisyan ABŞ-dan bahalı həyat tərzi keçirtdiyini sübut edən fotoşəkillər paylaşıb.
Alp.az xəbər verir ki, polkovnik-leytenantın paylaşdığı bu fotolar erməni mətbuatında bomba effekti yaradıb. Erməni sosial şəbəkə istifadəçiləri 44 günlük müharibə zamanı rusiyalı jurnalist Dmitri Peqovla birlikdə erməniləri aladadan bir zabitin ölkədən necə qaçdığını sual edib. Erməni hərbi ekspert Tiqran Lalayan sosial şəbəkədə şok paylaşım edib. Hərbi ekspert polkovnik-leytenantın ölkə rəhbərliyi və mühüm post tutan generallar tərəfindən ölkədən qaçrıldığını yazaraq qeyd edib:”ABŞ-a getmək o qədər də asan deyil. Pandemiya dövründə isə ABŞ-a yaşamaq üçün getmək çox çətindir. Amma Artsun əlini-qolunu sallayaraq ABŞ-a gedir və bahalı həyat tərzi keçirdir. Dəyəri 670 min dollar olan mənzil alır, özünə ən bahalı marka olan avtomobil alır. Necə və hansı pulla? Məndə olan məlumata görə Artsrun Hovhannisyan Zəngilandakı qızıl yatağından və Kəlbəcərdən havadarları vasitəsilə külli miqdarda qızılı ölkədən çıxardıb. Bu faktdır ki, Arsrun ölkədən xüsusi reyslə ABŞ-a gedib. İndi Artsrun Hovhannisyan ABŞ-da kef edir. ”
