Amerikanın 19FortyFive nəşri Rusiyanınən təhlükəli beş növ silahın adını açıqlayıb. Alp.az Rusiya hərbi mediasına istinadən xəbər verir ki, ABŞ nəşri avtobus ölçüsündə olan Poseidon nüvə torpedasını ən təhlükəli ilk silah kimi qeyd edib. Digər silah olan S-400 Triumf zenit-raket kompleksi (SAM) təkcə təyyarə və dronlara qarşı deyil, həm də qanadlı və ballistik raketlərə qarşı təsirli olduğunu nəşr qeyd edib.
““Pantsir-S1” hava hücumundan müdafiə sistemi isə öz növbəsində həm raketləri, həm də dəqiq idarə olunan hərbi sursatları məhv edə bilir.Silahlanmış Mi-28NM helikopteri gecə hücumlarını həyata keçirməyə imkan verən 360 dərəcə radara malikdir. Yeddi dəqiqəyə hazır olan qitələrarası ballistik raket (ICBM) RS-24 “Yars” fərdi hədəf bölmələri ilə üçdən altıya qədər çoxlu təkrar giriş maşını daşıya bilir.” – nəşr yazıb.
Fevral ayında 19FortyFive “rus ordusu haqqında dörd mifi” dağıtmağa çalışıb.
