ABŞ prezidenti Co Baydenin milli təhlükəsizlik üzrə müşaviri Cek Sullivan Rusiyanın Ukraynaya “hər an” müdaxilə edə biləcəyini iddia edib.
Amerikanın “CNN” kanalına danışan Sullivan bildirib ki, ABŞ administrasiyası bu həftə ərzində Ukraynanın “hər an” Rusiya tərəfindən işğal oluna biləcəyinə inanır, hərbi hücum ehtimal ki, raket və bomba hücumları ilə başlayacaq, lakin, hələ də diplomatiyanın üstün gələcəyinə dair ümidini qoruyur.
Sullivan ABŞ cinahında Rusiya qüvvələrinin “qüvvələrini toplaması və zamanında manevr etmə tərzlərinin” fevralın 20-də başa çatacaq Pekin Qış Olimpiya Oyunları bitməmiş işğala cəhd edə biləcəkləri gözləntisini ortaya qoyduğunu ifadə edib.
Kəşfiyyat məlumatlarının aktiv bir planlamanın olduğunu göstərdiyini və bunun təkcə ABŞ-ın söyləmədiyini bildirən Sullivan “Biz diplomatiya üzərində işləməyə davam etməyə hazırıq, ancaq Rusiya irəliləyəcəyi təqdirdə müttəfiqlərimiz və tərəfdaşlarımızla vahid və qətiyyətli şəkildə cavab verməyə də hazırıq” deyib.
Sullivan bildirib ki, Rusiya Ukraynanı işğal edəcəyi təqdirdə “bəhanə” saxta bir əməliyyat təhdidini səsləndirə bilər.
Ceyk Sullivan fevralın 11-də Ukraynadakı amerikalıları ölkəni tərk etmələri ilə bağlı xəbərdar edib və bildirib ki, hərbi əməliyyatlar mülki əhalinin ölümünə səbəb ola biləcək hava bombardmanı ilə başlaya bilər.
