Selçuk Bayraktarın rəhbərliyi altında “Baykar” şirkəti tərəfindən yerli və milli qaynaqlarla istehsal edilən və bu yaxınlarda Türkiyə Silahlı Qüvvələrinin inventarına daxil olan “AKINCI Pilotsuz Hücum Uçuş Aparatı” (TİHA) ABŞ mediasının gündəminə çevrilib.
“Bayraktar TB-2″dən daha güclü”, “Qabaqcıl sistemlərə sahib” başlıqlı məqalələrdə AKINCI TİHA-nın gücündən, xüsusiyyətləri və fərqli üstünlüklərindən bəhs edilib.
Sözügedən sistemə “The Defence Post” və “Jane’s” dərgilərində geniş yer verilib. TİHA-nın həm hava, həm də yer hədəflərini vurma qabiliyyətinə diqqət yetirilib.
Məqalələrdə layihənin Türkiyənin hərbi gücünün özünü təminetmə məqsədlərinə uyğun olaraq tamamlandığı vurğulanıb.
