image-ads_2000x150
image-1backend

44 günlük Vətən  müharibəsində Azərbaycanın yanında olan türk iş adamı kimdir?

image-ads_728x90

44 günlük müharibədə Azərbaycan düşməni ilə yanaşı dostunu da tanıdı. Azərbaycan oğullarının qanı və canı bahasına vaxtilə işğal edilmiş torpaqlarımız 2-ci Qarabağ savaşında azad edildi. Bu müqəddəs müharibədə yanımızda qardaş ölkələrlə yanaşı dünyanın tanınmış ictimai-siyasi xadimləri, nüfuzlu iş adamları da durdu. Bu yaxınlarda yenidən Dünya Axısxa Türkləri Birliyinin (DATÜB) başqanı seçilən Ziyəddin Kasanov da Azərbaycan xalqının yanında oldu. Vətən müharibəsi iştirakçılarına, şəhid ailələrinə yardım etdi, Azərbaycanın haqq mübarizəsi ilə bağlı mövqeyini ortaya qoydu.

Gəlin bir daha onunla yaxından tanış olaq:

O, 23 noyabr 1958-ci ildə Qazaxıstanın Almatı şəhərində anadan olub. İbtidai, orta və lisey təhsilini başa vurduqdan sonra 1981-ci ildə Almatı Xalq Təsərrüfatı fakültəsini bitirib. Rus, qazax və türk dillərini mükəmməl bilir. Ziyəddin Kasanov karyerasına 1982-ci ildə başlayıb. O, 1989-cu ilə qədər Qazaxıstan SSR Torpaq və Su Təsərrüfatı Nazirliyində müxtəlif vəzifələrdə çalışıb. O, 1989-1995-ci illərdə həmin nazirlikdə qida və içki materiallarının idxalı üzrə məsul rəis vəzifəsini davam etdirib. 1995-ci ildən sonra əyalətdə birlikdə qurduqları şirkətləri qardaşı Hüseyn İsmihanoğlu idarə edib. Qısa müddətdə göstərdiyi uğurlu idarəetmə sayəsində şirkətlərini ölkənin aparıcı qrup şirkətləri sırasına yerləşdirməyə müvəffəq oldr.

Məsuliyyətli bir iş adamı kimi bir çox sosial layihələrdəki fəaliyyətinə görə milli və beynəlxalq təşkilatlardan müxtəlif mükafatlar alıb. Onun aldığı mükafatlar arasında “Kürmət” (12.2004), “Qızıl Qartal” (2005), I dərəcəli “Dostıq” (2012), Türk dünyasının inkişafına verdiyi töhfəyə görə TÜRKSOY təşkilatının ordenləri (2013), eləcə də

Avropa Universitetinin fəxri doktoru, “Türk dünyasında beynəlxalq əlaqələrin inkişafına, möhkəmlənməsinə və qorunub saxlanmasına verdiyi töhfəyə görə” mükafatı (2006), Qazaxıstan Xalqları Assambleyasının “Birlik” qızıl medalı (2013) xüsusilə qeyd edilməlidir.

O, hələ də Qazax Axıska Xalq Cəmiyyətinin sədridir. Bu vəzifəsinə görə o, Qazaxıstan Xalqları Assambleyasında ölkədə yaşayan türk əsilli qazax vətəndaşlarını təmsil edir. O, həm də Dünya Axıska Türkləri Birliyinin sədridir.

Bu yaxınlarda DATÜB-ün 4-cü Ümumi Yığıncağında çıxışı zamanı DATÜB sədri Ziyəddin Kasanov Qarabağ savaşında Axısxa türklərinin də vuruşduğunu diqqətə çatdırıb:

“44 günlük Vətən müharibəsində 9 Axıska türkü şəhid olub. Bizim axıskalılar Vətən üçün canlarını verdilər. Axıska və Azərbaycan türklərinin canı bahasına bu zəfər qazanıldı. Türk tarixinin son 200 ilində olmayan bir şey oldu. Düşünürəm ki, artıq yeni dönəm başlayıb. Bundan sonra hər zaman türklərin zəfəri olacaq. Bundan əminəm. Çünki Qarabağ savaşı bütün türk dünyasına ruh verdi ki, biz türklər güclüyük, birik və dədə-babalarımızın ruhu bizimlədir”.

Ruhu, əqidəsi türkçü olan Ziyəddin Kasanovun fəaliyyətini Türkiyə Prezidenti Rəcəb Tayyib Ərdoğan da dəfələrlə qiymətləndirib.

Elə bu yaxınlarda Türkiyə prezidenti Rəcəb Tayyib Ərdoğan onu Dünya Axısxa Türkləri Birliyinin başqanı seçilməsi münasibətilə şəxsən təbrik edib.

Dövlət başçısı DATÜB sədrinə xoş ürək sözlərini çatdırıb. O bildirib ki, dəfələrlə məruz qaldıqları sürgünlərə görə müxtəlif ölkələrdə çox çətin şərtlər altında yaşayan Axıska türklərinin həyatını asanlaşdıracaq hər addımı dəstəkləyir.

“Bütün dünyada Axıska türk qardaşlarımızın birliyi və həmrəyliyi üçün göstərdiyiniz səyləri yaxından izləyirik. Türkiyə gücləndikcə Axıska türklərimiz çoxəsrlik ağrılarını geridə qoyub hədəflərinə addım-addım yaxınlaşacaqlar”, – deyə prezident əlavə edib.

Ərdoğan Ziyəddin Kasanova Dünya Axıska Türkləri Birliyinin sədri vəzifəsində uğurlar diləyib.

Ziyatdin Kasanov təkcə türk dünyasında deyil, digər ölkələrdə də tanınan ortaq türk mədəniyyətinin böyük bilicisidir. O, fəal həyat mövqeyi və əməli faəliyyəti ilə əhalinin bütün sosial təbəqələri arasında hörmət və yüksək nüfuz qazanıb. O, deputat kimi də faktiki olaraq əhalinin aktual məsələlərini həll edir.

O daim müsahibələrində deyir ki, “Deputat xalqın xidmətçisidir, xalqla hakimiyyət arasında körpüdür. Mənim fəaliyyət proqramımın bir hissəsi də ilk növbədə şəhərin və əhalinin mühüm problemlərinin fəal və konstruktiv həllinə yönəlib. Xüsusən də rəqəmsallaşma, investisiya, sahibkarlıq və könüllülük kimi mühüm problemlərin həlli, o cümlədən iş yerlərinin və əhali üçün rahat şəraitin yaradılması vektoru müəyyən edilib və qarşıya məqsəd qoyulub”.

Ziyəddin Kasanov uzun müddət ərzində qarşıya məqsədlər qoyur və bütün vəzifələrin icrasına nail olur. Əhalinin sosial-iqtisadi problemlərinin həlli istiqamətində daim əzmlə çalışır.

Sosial-iqtisadi vəzifələrlə yanaşı, Ziyəddin Kasanov millətlərarası əlaqələrin möhkəmləndirilməsi üçün də mühüm fəaliyyət göstərir. Bu gün onun rəhbərlik etdiyi təşkilat bütün türk dünyasının ən görkəmli ictimai təşkilatlarından biridir. Ziyəddin bəy qardaşı Hüseyn Kasanovla birlikdə təhsilə, mədəniyyətə, dinə çoxlu sərmayə qoyur. Axıska Mərkəzi hər il 40-50 zəvvar üçün Həcc ziyarətinə vəsait ayırırdı. Türk Etnomədəniyyət Mərkəzinin sədrinin simasında müxtəlif millətlərdən olan insanlar buradan dəstək tapa bilir.

O dəfələrlə xatrıladır ki, türk olmaqla bərabər o qazaxıstanlıdır, ümumi tarixi taleyi yaşayan Qazaxıstanın vətəndaşıdır. Axıska türklərinin əsas məqsədi isə Vətənin daha da inkişafına töhfə verməkdir. Yalnız sülhün hökm sürdüyü, müxtəlif etnik qrupların nümayəndələrinin harmoniya içində yaşadığı ölkə tam inkişaf edə bilər.

Xeyriyyəçi və ictimai xadim kimi o, Qazaxıstanın və türk dünyasının inkişafına böyük töhfələr verib. Nümunə üçün uzağa getməyə ehtiyac yoxdur. Ziyəddin Kasanovun özü də əslən türk olduğundan Türkiyə ilə Qazaxıstan arasında dostluq əlaqələrinin möhkəmlənməsinə böyük diqqət yetirir. Uzun illər əvvəl “Axıska” türk etnomədəni mərkəzini yaradıb. Onun bilavasitə rəhbərliyi altında bütövlükdə mərkəzin fəaliyyətinin səmərəliliyinin yüksəldilməsi istiqamətində xeyli təşkilati işlər aparılıb. Həm də bu təşkilatın məqsədlərindən biri də Axıska türklərinin kimliklərini itirmədən müasir qazax cəmiyyətinə layiqincə inteqrasiyasıdır.

Axısla türkləri arasında ehtiramla sevilən Ziyəddin bəy hesab edir ki, Türkiyənin dost və qardaş Qazaxıstanla əlaqələri strateji tərəfdaşlıq səviyyəsindədir və iki ölkə liderlərinin rəhbərliyi altında inkişaf edir. Siyasi, iqtisadi, humanitar və mədəni əlaqələr məsələlərində də anlaşma birliyi regionun sabitliyinə və inkişafına xidmət edir. Qazaxıstanla Türkiyə arasında əməkdaşlıq yaxşı səviyyədə inkişaf edir. İllər boyu o Vətəni Qazaxıstan üçün faydalı olacaq bir neçə biznes layihəsini həyata keçirib. Türk dünyasının formalaşması üçün bir iş adamı olaraq mühüm ideologiyanın daşıyıcısına çevrilib. O, Qazaxıstana yeni investorlar cəlb etmək məqsədilə dəfələrlə Türkiyədə işgüzar səfərdə olub. Bütövlükdə iqtisadiyyat üçün kumulyativ effekt yarada biləcək, ölkələrin ortaq tarix və mədəniyyətdə daha da möhkəm bağları yaradacaq layihələrə imza atıb.

70 il əvvəl bura gələn etnik türklər hələ də qazaxların 1920-1930-cu illərdə deportasiya edilmiş on minlərlə Azərbaycan türkünü açıq ürəklə, çörək və sığınacaqla bölüşərək qəbul etdiyini minnətdarlıqla xatırlayırlar. Ziyəddin bəy bu baxımdan azərbaycanlılar üçün də diaspor fəaliyyətinə öz töhfəsini verir. Onun “Bu gün etnosumuz qazax xalqının bir hissəsinə çevrilib, biz hələ də möhkəm dostuq və bir-birimizə hörmət edirik, eyni türk dilində asanlıqla danışırıq”- ifadəsi Qazaxıstanda yaşayan türk xalqlarının birliyinin mühüm düsturudur.

Bax Ziyəddin Kasanov belə şəxsiyyətdir. İnsanlıq, birlik və mərhəmət prinsiplərinə əməl edən həqiqi mesenat. Sözdə deyil, əməldə himayədarlığın və xalqlar dostluğunun möhkəmlənməsinə verdiyi töhfəyə görə unudulmaz insan haqqında bir yazıda tam mahiyyəti aça bilmərik. Onun üçün sənədli filmlər çəkilməli, kitablar nəşr edilməlidir.

P.S. Biz də Alp.az olaraq Dünya Axısxa Türkləri Birliyinin sədri seçilməsi münasibətilə ürəkdən təbrik edir, yorulmaz fəaliyyətində uğurlar arzulayırıq.

image-2 image-ziyeddin1-768x403

konkret.az

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki