image-ads_2000x150
image-0backend

44 günlük müharibənin qəhrəmanı: Ermənilərin qorxulu röyası olan POLKOVNİK 

image-ads_728x90

44 günlük Vətən Müharibəsində Azərbaycan oğulları dastan yazdı. Öz qəhrəmanlığı ilə dastan yazan oğullarımızdan biri də Azərbaycan Dövlət Sərhəd Xidmətinin Sərhəd Qoşunlarının polkovniki,  Vətən Müharibəsi Qəhrəman Babək  Ələkbərovdur.

Babək Ələkbərov 1987-ci il dekabrın 24-də Abşeron rayonunun Ceyranbatan qəsəbəsində anadan olub. Əslən Qərbi Azərbaycandandır.

Atası Mürsəl Ələkbərov Ermənistan SSRİ Hamamlı rayonunda  Saral kəndi, anadan olub. Anası isə Kalinino rayonunun Molla Eyyublu kəndində anadan olub.

Bu gün doğum günü olan qəhrəmanımızın kiçik yaşlarından hərb sənətinə böyük marağı olub. Bu istək, sevgi Babək Ələkbərovu Cəmşid Naxçıvanski adına Liseyə gətirib.  Babək 2003-2006-cı illərdə bu  lisydə təhsil alıb. 2006-2010-cu illərdə isə MTN-nin Heydər Əliyev adına Akademiyasının Sərhəd qoşunları fakültəsində ali hərbi təhsil alaraq oradan “leytenant” rütbəsində məzun olub. Məzun olduqdan sonra Sərhəd Qoşunlarının Çevik Hərəkat Qüvvələrində xidmətə başlayıb. 2016-cı ildə Prezident İlham Əliyevin Sərəncamına əsasən, Dövlət Sərhəd Xidməti əməkdaşlarının Peşə bayramı günü münasibətilə “İgidliyə görə” medalı ilə təltif edilib. 27 sentyabr 2020-ci ildə başlanan Vətən Müharibəsinin ilk günlərində döyüşlərə qatılıb. Arazboyu əməliyyatlarda böyük şücaət göstərmiş, Zəngilan rayonu və Xudafərin körpüsünün azad edilməsini Ali Baş Komandana  məhz Babək Ələkbərov məruzə edir.

image-99999

Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zaman igidlik və mərdliyin nümayiş etdirilməsinə görə Azərbaycan Prezidenti İlham Əliyevin 9 dekabr 2020-ci il tarixli Sərəncamına əsasən, Babək Ələkbərova “Vətən Müharibəsi Qəhrəmanı” adı verilmişdir.

B.Ələkbərov mətbuata açıqlanmasında Zəngilan və Xudafərin körpüsünün azad edilməsindən danışıb. Qəhrəmanımız bildirib ki,  Zəngilanın azad edilməsi 24 saat ərzində baş tutub: “Azərbaycan sərhədçiləri tərəfindən Füzuli rayonu ərazisindəki təmas xəttindən Ermənistanla dövlət sərhədinədək böyük bir ərazi azad edilib, o cümlədən 24 saat ərzində 105 km məsafədə ildırımsürətli hücumla düşmənə sarsıdıcı zərbələr endirilib. Çox xoşbəxtəm ki, Zəngilan şəhəri və Xudafərin ərazilərinin düşməndən azad edilməsini cənab Ali Baş Komandana mən məruzə etdim”.

Babək Ələkbərov ailəlidir,3 övladı var.

Doğum günü münasibətilə Alp.az əməkdaşları adından Polkovnik Babək Ələkbərovu təbrik edir,uzun ömür, möhkəm cansağlığı və fəaliyyətində uğurlar arzulayırıq!

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki