44 günlük Vətən Müharibəsindən sonra Zəngəzur dəhlizi məsələsi yenidən gündəmə gəldi. Əlində kommnukasiyaların açılması 10 noyabr bəyanatında da öz əksini tapsa da, erməni tərəfi yenə verdikləri sözdən qaçırdı. Soçidəki görüşdən sonra isə komnukasiyaların açılması məsələsi öz həllini tapdı. Bu arada erməni tarixçilər Zəngəzurun ermənilərə necə verilməsi barədə fərqli fikirlər yürütməyə başladılar. Erməni tarixçilər Zəngəzurun qədim erməni torpağı olduğunu iddia etsələr də sənədlər və 1920-ci ilin xəritəsi erməni yalanını bir daha aşkara çıxardır.
Tarixçi alim Elmar Həsənli Alp.az-a açıqlamasında Zəngəzurun erməniləri necə verilməsi ilə bağlı detalları açıqlayıb:
“101 il əvvəl 1920-ci il noyabrın 30-da Azərbaycan xalqının iradəsi, rəyi nəzərə alınmadan Zəngəzur qəzasının yuxarı hissəsi Azərbaycandan qoparılaraq rəsmən Sovet Ermənistanına verildi.
Zəngəzurun Ermənistana verilməsi 1920-ci il noyabrın 30-da keçirilən Azərbacan K/b/P MK Siyasi və Təşkilat bürolarının birgə iclasının qəbul etdiyi qərarı ilə həll olundu. Qərarda Zəngəzur bölgəsini 2 yerə: Qərbi Zəngəzur qəzası və Şərqi – əhalisinin kürdlərdən ibarət olmasına görə Kürdüstan qəzasına bölmək təklif edilirdi. Nəticədə Zəngəzur qəzasının 6.742 kv. verstlik ərazisindən 3.105 kv. versti Azərbaycan SSR tərkibində qalmış, 3.637 kv. verstlik hissəsi isə Ermənistana verilmişdi.”
