Son günlər ermənilərin təxribatlarının, Rusiyanın əndişəsinin səbəbi çoxlarına bəlli deyil. Birdən-birə sülhməramlı kontingentin rəhbəri Rüstəm Muradovun vəzifəsindən azad edilməsi və bu vəzifəyə Rusiyanın ən qəddar generalı kimi ad çıxarmış general-mayor Mixail Kosobokovu təyin olunması bu əndişədən xəbər verir. Rusiyanı qıcıqlandıran nədir?
Sözsüz ki, Azərbaycan və Türkiyə xüsusi təyinatlılarının Laçında təlim keçməsi, həmçinin türk generallarının Bakı təyinatı erməniləri də, eləcə də Rusiyanı da qorxuya salmaya bilməz. Türkiyənin regionda güclənməsini istəməyən Rusiya bunu açıq şəkildə biruzə verməsə də mütamadi olaraq Qarabağda təxribat törətməklə öz gücünü nümayiş etdirmək istəyir. Amma bunun ardınca Bakıda Azərbaycan, Pakistan və Türkiyənin xüsusi təyinatlı qüvvələrinin iştirakı ilə “Üç Qardaş – 2021” birgə təlimininin keçrilməsi qarşısında hələ ki, Rusiya susur. Səbəb nədir?
Aydındır ki, bir neçə gün öncə Türkiyənin müdafiə naziri Hulusi Akarın açıq şəkildə Rusiyaya mesajı rusların geri çəkilməsi üçün siqnal idi.
Hulusi Akar açıqlamasında bildirmişdi ki, “Rusiya ilə İdlib mövzusunda qəbul etdiyimiz müqavilələrə əməl edirik, məsuliyyətimizin fərqindəyik, müttəfiqlərimizdən də qəbul edilən müqavilələrə əməl etmələrini gözləyirik.” Sözsüz ki, Hulusi Akarın bu açıqlaması Rusiya tərəfindən ciddi qəbul edilir. Akar bu açıqlaması ilə bir mesaj da verib:”Rusiya Qarabağda bizim yollarımızı bağlasa biz Suriya və İraqda onlara problem yaradacayıq.”
Artıq dünya düzənində yeni bir mərhələyə qədəm qoyuruq. Bu düzəndə Azərbaycanın öz maraqları var. İndi Rusiya Cənubi Qafqazda tək olaraq öz maraqlarını yürüdə bilmir. Səbəblər çoxdur. Bu səbələrdən birincisi Azərbaycanın qalib dövlət olmasıdır. Tarixdə isə heç zaman qalibləri mühakimə etmirlər. Elə bütün çıxışlarında da ölkə başçımız, Ali Baş Komandan İlham Əliyev hər çıxışında tam əminlə bəyan etdiyi kimi “Zəngilanı Naxçıvanla ayıran Zəngəzur dəhlizidir, hansı ki, açılmalıdır və açılacaqdır” deməsidir.
Bu əminlik onu deməyə əsas verir ki, qısa zamanda bu dəhliz açılacaq və Xankəndində Azərbaycan bayrağı dalğalanacaq.
Qoşqar Salmanlı






















