İrəvanda səfərdə olan Kollektiv Təhlükəsizlik Müqaviləsi Təşkilatının (KTMT) baş katibi Stanislav Zas Ermənistanın Milli Təhlükəsizlik Şurasının katibi Armen Qriqoryanla görüşüb.
Alp.az Ermənistan mediasına istinadən xəbər verir ki, görüşdə tərəflər Ermənistanın sədrlik etdiyi KTMT-nin prioritetlərini müzakirə edib.
Bununla yanaşı, görüşdə Azərbaycan-Ermənistan sərhədindəki vəziyyət, sərhədin delimitasiya və demarkasiya məsələsi müzakirə olunub. Tərəflər delimitasiya və demarkasiya prosesinin ən qısa zamanda həyata keçirilməsinin vacibliyini vurğulayıblar.
