“Mayın 9-da bir sıra vətəndaşların Sovet İttifaqı bayrağı altında Xankəndində yürüş etməsi xayanətdir”- Alp.az xəbər verir ki, bunu qondarma rejimin deputatı Metaxe Hakobyan bildirib.
Dünən mayın 9-da Xankəndindəki aksiyada iki qrup arasında silahlı münaqişə olub. Erməni mediası bildirir ki, SSRİ bayrağı qaldıran qrupla yerli “polis” arasında dava düşüb. Axşam saatlarında isə Xankəndində bir qrup silahlı şəxs qondarma rejimin binasına hücum etmək istəyib. İddiaya görə silahlı qrup tərksilah edilib.
Qondarma rejimin deputatı Metaxe Hakobyan bildirib ki, medianın yazdığı kimi silahlı münaqişə olmayıb:”Bir qrup şəxs bütün ermənilərə xəyanət edərək SSRİ bayrağı qaldırıb. Bu bizim fikirlərimizə ziddir. Aksiya zamanı 4 nəfər şəxs həbs edilib.” -deyə Hakobyan bildirib.
