Xankəndində keçirilən iclasa qondarma rejimin rəhbəri Arayik Arutyunyan dəvət edilməməsi qalmaqala səbəb olub. Alp.az erməni mediasına istinadən xəbər verir ki, Qarabağ ermənilərinin təmsil olunduğu Azad Vətən Partiyasının yaradılmasının 17-ci ildönümü ilə bağlı keçirilən iclasa dəvət edilməməsindən qəzəblənən Arayik Arutyunyan güc sturktarlarına göstəriş verərək iclası dağıdıb.
Erməni mətbuatı iddia edir ki, Qarabağda olan erməni ziyalıları Arayik Arutyunyanın istefaya göndərilməsi üçün mitinqlərə başlayacaq. “Yanvarın 29-da Araik Arutunyanın təmsil olunduğu Azad Vətən Partiyasının yaradılmasının 17-ci ildönümü ilə bağlı keçirilən iclasa dəvət almaması qalmaqalın ilk işartısıdır. Bako Saakyan və Arkadi Qukasyan, eləcə də Levon Mnatsakanyan Arayik Arutyunyanın istefaya göndərilməsi ciddi işlərə başlayıblar”- bunu erməni mediasına açıqlamasında erməni politoloq Arşavir Qaramyan bildirib.
