Vətən müharibəsində yaralanan hərbi qulluqçusu, kiçik çavuş Kazımov Ruslan Mustafa oğlu vəfat edib.
Alp.az xəbər verir ki, bu barədə sosial şəbəkələrdə məlumat yayılıb.
Qazi iyunun 24-də evində dünyasını dəyişib. Onunla vida mərasimi doğulub boya-başa çatdığı Ağstafa rayonunun Kolxəlifəli kəndindəki evində keçirilir.
R.Kazımovun Kolxəlifəli kənd qəbiristanlığında torpağa tapşırılacağı bildirilir.
Qeyd edək ki, R.Kazımov 2020-ci il sentyabrın 27-dən başlayan 44 günlük Vətən müharibəsində iştirak edib. O, döyüşlərin birində ağır yaralanıb.
Allah rəhmət eləsin!
