İngiltərə millisinin və “Lester Siti”nin yarımmüdafiəçisi Ceymi Vardi (Jamie Vardy) ulduz futbolçu olmazadan öncə çox çətin həyat tərzi sürüb.
O, 25 yaşına qədər peşəkar futbolçu olsa da, İngiltərə küçələrindəki davalardan, yüksək məbləğdə borclardan və kasıb həyat tərzindən yaxa qurtara bilməyib.
Ancaq 2012-ci il tale onun üzünə gülür. Vardi “Lester Siti” klubuna transfer olur və bundan sonra İngiltərə futbolunda yeni tarix yazılır.
35 yaşlı ulduzun inanılmaz həyat hekayəsi var. 2007-2010-cu illər arası fabrikdə çalışan, yerli kafelərdə ofisiant işləyən və dostuna görə iştirak etdiyi dava səbəbi ilə şərti azadlıqda olduğu dönəmdə Vardi nə vaxtsa İPL kubokunu qaldıracağını xəyal belə etməzdi.
2015/16 mövsümündə “Lester Siti”nin heyətində İPL çempionu olduqdan sonra Vardi həyatının bütün çətin və xoşbəxt günlərini təsvir edən “Yoxsuzluqdan, Hekayəm” adlı kitab nəşr edir. Kitabda futbolçunun nailiyyətləri ilə bağlı mətbuata heç zaman bildirmədiyi maraqlı etirafları da yer alıb:
“Fabrikdə işləyəndə tez-tez temperatur dəşikliyinə məruz qalırdım. İşim gün ərzində 100 kiloqramlıq 20-25 ədəd məhsulu belimdə ikinici və ya üçüncü mərtəbəyə qaldırmaqdan ibarət idi. O zaman belimdən və sağ əlimdən aldığım zədələr xroniki hal alıb və bu günə qədər məni narahat edir”.
Xatırladaq ki, 2019/20 mövsümündə Vardi İPL-də 23 qolla bombardir olaraq “Qızıl buts” mükafatına layiq görülmüşdü.fanat.az
