Kiyevin dramatik çağırışlarına baxmayaraq və müxtəlif diplomatik gedişlərdən asılı olmayaraq, Polşanın verməyə razılı olduğu “MiQ-29” təyyarələrinin ötürülməsi nə tez, nə də asan olmayacaq.
Alp.Az xəbər verir ki, bu barədə “defence24.pl” saytında bildirilir.
Məqalədə qeyd olunur ki, əslində, Polşa qırıcılarının Ukraynaya getməsi günlərlə, həftələrlə yox, aylarla zaman alacaq. Bunlar ilk növbədə texniki, həm də maddi-texniki məsələlərdir.
Bildirilir ki, Polşanın Ukraynaya qırıcılar verərək, əvəzində ABŞ-dan “Falcon”lar gözləməsi heç də birmənalı qarşılanmayıb. Həmçinin, saytın yazdığına görə, sözügedən məsələ NATO-nun da zəif cəhətlərini üzə çıxarıb.
“Həm Pentaqonun, həm də bəzi Avropa NATO ölkələrinin Almaniyanın “Ramşteyn” bazası vasitəsilə Ukraynaya Polşanın MiQ-29-ların tədarükünə əsəbi reaksiyası alyansın zəifliyini ortaya qoydu. Bir tərəfdən, bu, qısa bir mövqe dəyişikliyindən sonra yenidən Rusiyanı qıcıqlandırmamağa çalışan Almaniyadır. Kansler Olaf Şolz açıq şəkildə dedi: “Biz faktiki hərəkətlər haqqında çox diqqətlə düşünməliyik. Onlara, şübhəsiz ki, hərbi aviasiya daxil deyil”, – deyə kansler vurğulayıb və əlavə edib ki, “hərbi həllin mənası yoxdur. Bu, Ukrayna üçün deyil, Almaniya üçün əlverişli olan siyasətə qayıdışdır, NATO-nun qətiyyətli addımlarını əngəlləyərək Rusiya ilə qarşıdurmadan qaçmaqdır.”
Fransa da Kiyevə az dəstək verir və prezident Makron deyir ki, Rusiyaya hörmətlə yanaşmaq lazımdır.
Beləliklə, görünür ki, ukraynalılar sözügedən təyyarələri hələ çox gözləməli olacaqlar.
Rüfət
