image-ads_2000x150
image-1651661019_ermenistanbackend

Üçüncü Qarabağ müharibəsi ola bilərmi? – “”Qarabağ klanı” iqtidara gəlsə…”

image-ads_728x90

“Belə qısa zamanda Ermənistanda dövlət çevrilişi baş verməyəcək və Nikol Paşinyan hakimiyyəti dinc yolla qoyub getməyəcək”.

Bu sözləri Yenisabah.az-a açıqlamasında siyasi şərhçi İlyas Hüseynov deyib.

O, müxalifətin İrəvanda həyata keçirdiyi silsilə etiraz aksiyaların dövlət çevrilişinə çevrilməsi və “Qarabağ klanı”nın yenidən iqtidara yiyələnməsi ehtimallarını şərh edib:

“Bu proseslərin haradan idarə olduğu məlumdur. Brüsseldə əldə olunan mühüm razılaşmalardan sonra Ermənistan MTX-nin keçmiş direktoru, hazırda isə müxalif “Patev unem” (“Şərəfim var”) fraksiyasının rəhbəri Artur Vanetysan insanları meydanlara çıxarmağa başlayıb. Daha sonra ona “Hayastan” (“Ermənistan”) bloku, eləcə də “Qarabağ klanı”nın rəhbərləri – Robert Koçaryan və Serj Sarkisyan dəstək verib. Onlar hətta nümayişçilər arasında görünüblər.

“Qarabağ klanı”nın prosesə qatılması artıq Ermənistan gündəmini revanşizmə sürükləmə cəhdi deməkdir”.

Mütəxəssis əmindir ki, Nikol Paşinyan prosesi nəzarətdə saxlamağı bacarır:

“Meydanlarda insanlar çoxalanda polis müqavimət göstərir və bu xüsusi amansızlıqla icra olunur. Məncə, Paşinyan aksiyalardan öz məqsədləri üçün istifadə edir. Yəni həm sərhəddəki təxribatları, həm də aksiyaları sülh danışıqlarında sabotaj aləti çalışdırmaq niyyəti var. Lakin Paşinyanın özünü qısa zamanda hakimiyyətdən uzaqlaşdırma baş tutmayacaq. Etiraz dalğası böyüdükcə, çadırlar artdıqca və insanlar meydanlara toplaşdıqca Nikol Paşinyan öz izdihamlı mitinqlərini keçirəcək.

Hər halda, Paşinyan, görünür, bu vəziyyətdən qazanclı çıxacaq”.

İ. Hüseynov əlavə edib:

““Qarabağ klanı”nın hakimiyyətə gəlməsi halında, Azərbaycanın antiterror əməliyyatı keçirməklə bağlı dəlilləri güclənir. Təbii ki, Azərbaycan müharibə istəmir, çünki bu, tələfat və itkilər deməkdir. Lakin Ermənistan Azərbaycan üçün başqa seçim variantı qoymur. Çünki “Qarabağ klanı”nın hakimiyyətə gəlmə şansı müharibə ehtimallarını gücləndirir.

Ümumən Üçüncü Qarabağ müharibəsi ola bilərmi? Bu, Ermənistandakı siyasi proseslərdən asılı olacaq. Azərbaycanla müharibə aparmaq, revanşistlərə güvənərək Azərbaycana qarşı yeni bir cəbhə açmaq Ermənistanın sonunun başlanğıcı ola bilər

Erməni xalqı da müharibənin əleyhinə çıxış edir və ötənilki parlament seçkilərində Nikol Paşinyana göstərilən etimad onu deməyə əsas verir ki, onlar Qarabağ yükündən azad olmağa çalışırlar”.

image-ads_728x90

  • whatsapp
  • messenger
  • telegram
  • vkontakte
  • odnoklassniki