44 günlük müharibədə Ermənistanın kapitulyasiyasından sonra azərbaycanlıların Zəngəzurda post qurması bu ərazidəki turistlərin sayını azaldıb.
Bu barədə erməni mətbuatı yazır:
“Zəngəzur vilayətinin Qafan şəhəri yaxınlığında yerləşən “David bəy” su anbarı ətrafında da azərbaycanlıların postları var. Buna görə də indi ərazidə erməni turistlər yoxdur”.
Zangezur.tv-yə açıqlamasında ermənilərin “Engels gölü” adlandırdığı “David bəy” su anbarının direktoru Engels Tumanyan bildirib ki, əvvəllər ərazidə çox sayda turist olardı: “İndi türklər (azərbaycanlıları nəzərdə tutur-red.) bura gələndən sonra insanlar əraziyə gəlmir, qorxurlar”.
