Türkiyə prezidenti Rəcəb Təyyub Ərdoğan Dünya Ahıska Türkləri Birliyinin prezidenti, qazaxıstanlı iş adamı “Kassanov İnvestment Group”un rəhbəri Ziyatdin Kassanovu təbrik edib.
Alp.az Türkiyə mediasına istinadən xəbər verir ki, Türkiyə prezidenti DATUB-un 4-cü Adi Konqresində yenidən prezident seçilməsi münasibətilə Ziyatdin Kassanovu təbrik məktubu ünvanlayıb. Təbrik məktubunda deyilir: “Yenidən Dünya Ahıska Türkləri Birliyinin sədri seçilməyiniz münasibətilə sizi, təbrik edirəm. Türkiyə xaricində daha 9 ölkədə təşkilatları olan Ahıska Türklərini təbrik edirəm. Biz dövlət və millət olaraq hər zaman olduğu kimi bu gün də sizinləyik . Bütün dünyada Ahıska türk qardaşlarımızın birliyi, həmrəyliyi və həmrəyliyi üçün göstərdiyiniz səyləri yaxından izləyirik”.
