Qarabağda imzalanan “Şuşa Bəyannaməsi” TBMM-də də möhürləndi
Alp.az xəbər verir ki, Azərbaycan və Türkiyə Prezidentləri arasında imzalanan “Şuşa Bəyannaməsi” Türkiyə Böyük Millət Məclisində qəbul edildi.
Məclisin gündəmi olduqca zəngin idi. Türkiyə gündəmində olan məsələlərin müzakirəsinin ardından, o tarixi an gerçəkləşdi.
Müzakirələr zamanı REAL TV-nin Tükiyə bürosunun suallarını cavablandıran millət vəkili Yavuz Subaşı iki ölkə arasındaki münasibətlərin “Şuşa Bəyannaməsi” ilə daha da dərinləşəcəyini bildirdi.
Və nəhayət müzakirələrin ardınca, səsə qoyulan “Şuşa Bəyannaməsi” qəbul olundu.
Türkiyə Böyük Millət Məclisinin Azərbaycanla dostluq qrupunun rəhbəri Şamil Ayrımın bu tarixi hadisəni şərh edrkən, “Şuşa Bəyannaməsi”nin gündəmdə olduğu bir vaxtda Türkiyə-Azərbaycan münasibətlərinə ögey münasibət bəsləyənlərə də müsajlarını çatdırdı.
Qarabağda, Şuşada təməli qoyulan rəsmi tərəfdaşlığın son təsdiq nöqtəsi Ankarada Azərbaycan-Türkiyə birliyi zirvəyə qalxmış oldu. Bu zirvə nümunəvi qardaşlıq, dostluq, sülh üçün fəth edildi.İndi bu yüksəklik ona kölgə salmaq istəyənlər üçün əlçatmazdır.
