Ötən bazar ertəsindən bu yana dördüncü dəfə Türk lirəsi dollara nisbətdə tarixi minimumunu yeniləyib.
Alp.az xəbər verir ki, bu barədə informasiyanı “Prime” nəşri hərrac məlumatlarına istinadən yayıb.
Mənbə yazır ki, Bakı vaxtı ilə saat 10:15-dək bir dolların məzənnəsi 9,28 lirəyə yüksəlib.
Keçən cümə axşamı Mərkəzi Bankın 3 yüksək rütbəli məmurunun, o cümlədən sədrin iki müavini – Semix Tümenin və Uğur Namık Kuçukun vəzifədən azad edilməsi (Türkiyə Prezidenti Rəcəb Tayyib Ərdoğanın fərmanı ilə) xəbəri fonunda bir dolların məzənnəsi 9,18 lirəyə yüksəlib. Cümə günü lirə yenə ucuzlaşıb.
İşdən çıxarılan hər üç məmur Mərkəzi Bankın Pul Siyasəti Şurasının son iclasında faiz endiriminin əleyhinə səs verib.
Ərdoğan isə inflyasiyanın artmasının yüksək faiz dərəcələrindən qaynaqlandığını irəli sürərək faiz endiriminin tərəfdarıdır.
Türkiyədə uçot dərəcəsi martın 18-dən başlayaraq19 faizə yüksəlib. Bundan sonra Ərdoğan Mərkəzi Bankın rəhbəri Naci Ağbalını vəzifəsindən azad edib. Bu isə Türk lirəsinin dollara nisbətdə məzənnəsinin kəskin düşməsinə səbəb olub. Şahap Kavcioğlu bankın yeni rəhbəri olub.bizim.media
