Bakı Ağır Cinayətlər Məhkəməsində qəsdən adam öldürməkdə ittiham olunan Əhəd İsmayılov və onun oğlu Ramil İsmayılovun cinayət işi üzrə növbəti məhkəmə prosesi keçirilib. Alp.az-ın xəbərinə görə, prosesdə dövlət ittihamçısı çıxış edərək R.İsmayılovun 20, Ə.İsmayılovun isə 19 il müddətinə azadlıqdan məhrum edilməsini istəyib.
Məhkəmə prosesi oktyabrın 8-də davam edəcək.
Qətl hadisəsi 5 sentyabr 2017-ci ildə Sumqayıt şəhəri, 21-ci məhəllədə baş verib. Hadisə zamanı Sumqayıt şəhər sakinləri – 1992-ci il təvəllüdlü Rasif Həbibov və 1988-ci il təvəllüdlü Samir Dadaşov bıçaqlanıblar. Yaralılar dərhal xəstəxanaya çatdırılıblar. Lakin dörd gündən sonra R.Həbibov xəstəxanada dünyasını dəyişib.
Hüquq-mühafizə orqanlarının əməkdaşları tərəfindən hadisəni törətməkdə şübhəli bilinən ata-oğul – Ramil və Əhəd İsmayılovlar saxlanılıblar. Hadisənin söyüş üstündə baş verdiyi bildirilib.
Onu da qeyd edək ki, R.Həbibov tanın idmançı olub.
