Məşhur avstriyalı idmançı və aktyor, ABŞ-ın Kaliforniya ştatının keçmiş qubernatoru Arnold Şvatsneqqer Rusiyadakı dostları və pərəstişkarlarına müraciət edib.
Alp.Az bildirir ki, O, 1961-ci ildə rusiyalı atlet Yuri Vlasovla görüşündən və onun şəklini divarda asmasına görə atası tərəfindən danlanıldığını deyib: “Atam Leninqradda, nasist ordusunun tərkibində döyüşüb. O, rusları sevmirdi, mənə deyirdi ki, divara ya Almaniyanın, ya da Avstriyanın atletinin şəklini as. Amma mənim üçün millətin fərqi yoxdur. Mən atamı dinləmədim”.
Daha sonra, aktyor Rusiyadakı film çəkilişlərindən və qarşılaşdığı rusiyalı insanlardan, dostlarından danışıb. Arnold Şvatsneqqer videomüraciətdə deyib ki, Ukrayna Rusiyaya hücum etməyib və hazırda Rusiyanın Ukraynaya hücumu nəticəsində günahsız insanlar ölürlər.
“Rus xalqının gücü və ürəyi həmişə məni ruhlandırıb. Ona görə də ümid edirəm ki, siz mənə Ukraynadakı müharibə və orada baş verənlər haqqında həqiqəti söyləməyə icazə verəcəksiniz. Heç kim öz hökuməti haqqında bir növ tənqid eşitməyi xoşlamır… Mən hər şeyi başa düşürəm. Ancaq rus xalqının çoxdankı dostu kimi ümid edirəm ki, sizə dediklərimi eşidəcəksiniz”, – deyə A.Şvatsneqqer vurğulayıb.
Daha sonra məşhur idmançı, akyor və siyasətçi olan Şvatsneqqer öz rusiyalı fanatlarını “həqiqəti yaymağa kömək etməyə” çağırıb.
Rüfət
Alp.Az
