Britaniyanın nüfuzlu “The Economist” dərgisi bu günkü sayında Əfqanıstanda dərin kök salmış korrupsiyadan yazır. “Bu ölkədə doğum haqqından şəhadətnamədən tutmuş ölüm kağızınadək və bu ikisinin arasında baş verən hər şey üçün rüşvət verməlisən”, – keçmiş əfqan diplomat Əhməd Şah Katavazay deyib.
Rəsmilər, polis daim bəxşiş tələb edirlər. “Taliban” ölkədə irəlilədikcə xarici pasport almağın haqqı bir neçə min dollara qalxıb. Dövlət qulluğu da bahalı əmtəə imiş. Korrupsiya üzrə ekspert Sara Çayes Əfqanıstanda QHT işlədəndə başa düşüb ki, məmurlar adətən vəzifələrini satın alırlar və qoyduqları pul çıxarmaq üçün “otkat” tələb etməyə başlayırlar. Məsələn, rayon polis rəisi vəzifəsi 100 min dollara satılırmış. Bundan sonra məmurlar əldə etdikləri gəlirləri ailə üzvlərinə, himayəedici şəbəkələrə paylayırdı.virtualaz.org
