Ermənistan mətbuatı və sosial şəbəkələrdə dünən Azərbaycan tərəfinin Ermənistana 5 “erməni əsiri” geri qaytardığı ciddi müzakirə olunur.
Alp.az xəbər verir ki, dünən geri qaytarılan ermənilər Mels Ambardanyan, Rafik Karapetyan, Jora Manukyan, Ovsep Manukyan və Sedrak Soqomonyandır.
Xankəndində yaşayan erməni jiurnalist Samvel Kazaryan erməni mətbuatına açıqlamasında bildirib ki, Azərbaycan onlarda olan “erməni əsir”lərini geri qaytaracaq. Əvəzində isə Qarabağdakı bütün silahlı dəstələr çıxarılacaq. Bu Rusiyanın hazırladığı plandır.
Erməni jurnalist bildirib ki, əsirlərin geri qaytarılmasında Rüstəm Muradovun fəallıq göstərməsi onun Qarabağdakı fəaliyyətinin davam etdiyinin göstəricisidir.
“Rusiya Qarabağda baş verən istənilən hadisəyə Rüstəm Muradovdan hesabat alır. Bu da onu göstəricisidir ki, Anaşkin yalnız Muradovun göstərişlərini icra edir. İndi artıq bulanıq sular durulub. Rusiya üçün Qarabağdan daha önəmli məsələlər var. Və anlamalıyıq ki, Rusiya Qarabağda tək deyil. İndi əsas söz sahibi türklərdir. Yaxın zamanda bizi daha cətin vəziyyət gözləyir. Qarabağdakı ordumuz çıxarılacaq. Buna əminəm.”- deyə Samvel Kazaryan bildirib.
