“Nüvə obyektlərinə hücum planlarının bir hissəsi tezliklə hazırlanacaq”.
Alp.az xəbər verir ki, bu barədə “The Times of Israel” qəzeti məqalə çap edib. Qəzetin iddiasına görə İsrail Hərbi Hava Qüvvələrin “İranın atom təsisatlarına hücum” təlim proqramı gələn ilin əvvəlindən başlayacaq və missiyanın maliyyələşməsi və yenilənməsinə dair təlim planı artıq müəyyən edilib.
Atom mərkəzlərinə hücum planlarının bir hissəsi tezliklə hazırlanacaq, bəzi digər planların hazırlanması isə bir il çəkəcək. Raporda əlavə olunur ki, Suriyada İran İslam Cumhuriyyətinin dəstəklədiyi silahlı qruplaşmalara qarşı hücumlar çətinləşib.
İsrail Müdafiə Nazirliyi son aylarda atom razılaşmasının canlandırılmasına dair danışıqların dayandırılmasını nəzərə alaraq, İranın atom mərkəzlərinə qarşı etibarlı hərbi təhdidə hazırlaşmaq qərarına gəlib.
