44 günlük Vətən müharibəsində darmadağın edilən erməni ordusunda yeni qalmaqal yaranıb. Alp.az Azadlıq radiosunun erməni xidmətinə istinadən xəbər verir ki, yüzlərlə erməni valideyn hələ də öz övladlarını tapa bilmir. Müharibə bir ildir ki, bitdi, erməni əsgərlərin cəsədləri hələ də soyuduculardadır. Bu sensasion xəbəri “Azadlıq” radiosunun erməni xidməti yayıb.
İkinci Qarabağ müharibəsinin başa çatmasından bir il keçməsinə baxmayaraq, Metsamor qəbiristanlığında ölüxananın soyuducularında hələ də müharibədə həlak olmuş yüzdən çox erməni əsgərinin meyiti və qalıqları qalır. “Azadlıq” radiosunun erməni xidmətinin yaydığı bu xəbər bu xəbərdən sonra valideynlər Metsamor qəbiristanlığında ölüxananın qarşısına toplaşıb. Polis validenləri oradan uzaqlaşdırıb. Erməni mətbuatı iddia edir ki, orada cəmi beş-altı cəsəd var.
“Demək olar ki, bütün cəsədlərin tanınmasına və məhkəmə-tibbi ekspertizasının nəticələri barədə valideynlərə məlumat verilməsinə baxmayaraq, onlar cəsədləri götürməkdən imtina edir və bizdən başqa sübutlar gözləyir”, – deyə məhkəmə tibbi tədqiqat mərkəzinin şöbə rəisi Sergei Abqaryan bildirib.
Erməni teleqram kanalı isə iddia edir ki, valideynlər öz ölmüş övladlarının cəsədini götürmək istəməməsinin səbəbi fərqlidir.
Bir neçə ay əvvəl səhiyyə naziri Anahit Avanesyan bəyan etmişdi ki, meyitlər Metsamor qəbiristanlığının ölüxanasından götürülməsə, Ermənistan hökuməti ölənləri valideynlərinin razılığı olmadan dəfn edəcək.
