“Azərbaycan Silahlı Qüvvələrinin qarşısından ordumuz geri çəkilir. Bu Nikol Paşinyanın əmri ilə edilir. Bu əmrlər Ermənistanın suverenliyini itirməsi üçün ciddi təhlükə yaradır. “- Alp.az erməni mediasına istinadən xəbər verir ki, bu fikirləri “Ermənistan” fraksiyasının rəhbəri Seyran Ohanyan bu gün parlamentdə “Delimitasiya və demarkasiya problemləri haqqında” bəyanat layihəsini təqdim edərkən deyib.
Sehran Ohanyan vurğulayıb ki, hakimiyyət bu gün belə mühüm və həssas məsələlərə toxunmur və bu mövzu ətrafında müzakirələrin qapalı qalması üçün əlindən gələni edir.
“Fakt budur ki, bu həssas məsələ açıq şəkildə müzakirə olunmalıdır və hakimiyyət xalqın arxasınca baş verənləri danışmaqdan yayınır”, – Seyran Ohanyan bildirib.
Ohanyan qeyd edib ki, hakimiyyət deyir: “qarışmayın, biz nə istəyirik, danışıqlar aparırıq”.
“Əlimdə kifayət qədər səhih məlumatlar var ki, yaxın günlərdə bir çox ərazilər Azərbaycana veriləcək. Bir sözlə Paşinyan bu torpaqları Azərbaycana verib. Artıq Qarabağ bizim üçün yoxdur. Paşinyan özü də bunu etiraf etmişdi.” – deyə Seyran Ohanyan bildirib.
