87 saylı məktəbin 8-ci sinif şagirdi Məmmədzadə Fatimənin Vətən Müharibəsi şəhidlərinə həsr olunan “Hərə bir qəhrəman oldu” şeirlər kitabının təqdimat mərasimi baş tutub.
Kitabda 44 şəhidə həsr olunan şeirlər toplanıb. Təqdimat mərasimində şəhid general Polad Həşimovun bacısı Kəmalə xanım, şəhid Cəbrayıl Dövlətzadənin anası Məleykə xanım, şəhid Xudayar Yusifzadənin anası Radə xanım, şəhid Səbuhi Orucovun anası Narınc xanım, şəhid Səbuhi Həsənquliyevin anası Maisə xanım, şəhid Ağacan Rəsulovun anası Suğra xanım, şəhid Mehdi Fərzullazadənin anası Elvira xanım, İman və Bəhram Məmmədzadənin atası Elman bəy, şəhid Ayaz Nəzərovun anası Sima xanım, şəhid Arəstə Baxışovanın anası Məktubə xanım, şəhid Muxtar Qasımlının anası Almas xanım, şəhid Əmrah Əkbərovun anası Dürdanə xanım, şəhid Nurlan Ağakişiyevin anası Pərvanə xanım, şəhid Cəlal İsmayılovun anası Sevda xanım, şəhid Bəxtiyar İslamovun anası Gültəkin xanım, şəhid Vüsal Kazımovun atası Vüqar bəy iştirak ediblər.
Çıxış edən şəhid valideynləri gənc müəllifi kitabın çapı münasibətilə təbrik edib, uğurlar arzulayıblar.
Rüfət
Alp.Az
