Rusiya və Türkiyə xarici işlər nazirləri Sergey Lavrovla Mövlud Çavuşoğlu arasında görüş keçiriləcək.
Alp.Az Rusiya mətbuatına istinadla xəbər verir ki, bu barədə Rusiya Xarici İşlər Nazirliyi məlumat yayıb.
Məlumatda deyilir ki, nazirlər Rusiya Silahlı Qüvvələrinin “Ukraynada həyata keçirdiyi xüsusi əməliyyat” barədə müzakirə aparacaqlar.
“Nazirlər Ukraynadaxili böhranın hazırkı vəziyyəti ilə bağlı fikir mübadiləsi aparacaqlar. Rusiya tərəfi Ukraynada hərbi əməliyyatın gedişi və təhlükəsizliyin təmin edilməsi üçün atılan addımlar barədə qarşı tərəfi məlumatlandıracaq. O cümlədən, humanitar dəhlizlərin yaradılması və əcnəbi vətəndaşların təxliyəsi müzakirə mövzusu olacaq”, – deyə nazirliyin məlumatında deyilir.
Həmçinin, Türkiyə XİN başçısı Mövlud Çavuşoğlunun martın 17-də isə Ukraynaya səfər edəcəyi gözlənilir.
Rüfət
