image-ads_2000x150
image-8888backend

Rusiya səfirliyi: “Telman İsmayılovun həbsini KİV-lərdən eşitmişik” 3 İL DAXİLİ İŞLƏR NAZİRLİYİNİN YANINDA YAŞAYIB, PREZİDENTLƏ YAXIN OLUB

image-ads_728x90

Rusiyanın Monteneqrodakı səfirliyi hələki ölkədə “Rosalkoqolrequlirovaniye”-nin keçmiş başçısı İqor Çuyan və “Çerkiz” bazarının sabiq rəhbəri Telman İsmayılovun saxlanılması ilə bağlı rəsmi məlumat almayıb. Bu barədə Rusiya KİV-ləri diplomatik missiyaya istinadən məlumat yayıb.

Səfirlik nümayəndəsinin sözlərinə görə, bu barədə, təbii ki, səfirliyə rəsmi xəbər verilməli, Monteneqro hakimiyyəti tərəfindən müvafiq məlumat verilməlidir. “Onlardan rəsmi məlumat gözləyirik. Hələlik yalnız KİV-lərdən eşitmişik. Sizin kimi, biz də bu barədə qəzetlərdən oxumuşuq”, – səfirlik nümayəndəsi deyib.

Telman İsmayılovun vəkili Marina Rusakova deyib ki, noyabrın 12-də Podqoritsa məhkəməsi iş adamının ona siyasi sığınacaq verilməsi haqda ərizəsinə baxacaq.

T.İsmayılov oktyabrın 2-də həbs edilib. “Kommersant” yazır ki, Telman İsmayılov təxminən üç il ərzində Monteneqronun paytaxtında kirayə götürdüyü malikanədə yaşayıb. Monteneqronun yerli hakimiyyət orqanları isə biznesmenin ölkədə olduğundan xəbərdar olublar. Lakin Monteneqro onun İnterpol tərəfindən axtarışda olmasına baxmayaraq, buna heç bir şəkildə reaksiya verməyib.

Həmçinin bildirilir ki, T. İsmayılovun yaşadığı malikanə ölkə polisinin və Daxili İşlər Nazirliyinin binasının çox yaxınlığında yerləşir: “Biznesmen mühafizədən istifadə etmirdi, adi həyat tərzi yaşayaraq heç kimdən gizlənmirdi. Yerli rəhbərlik İsmayılovun ölkədə olduğunu bilirdi. Biznesmenin İnterpol tərəfindən axtarışda olmasına baxmayaraq, onunla bağlı suallar yaranmayıb. Bu cür sadiqlik iş adamının Monteneqro rəsmiləri ilə qurduğu şəxsi əlaqələrinə əsaslanır. Misal üçün, məlumdur ki, ölkə Prezidenti Milo Cukanoviç Telman İsmayılovun Türkiyədəki “Mardan Palace” otelində qonaq olub. Bununla əlaqədar olaraq, Monteneqro parlamentində artıq Telman İsmayılov ilə ölkə rəhbərliyi arasında əlaqəni araşdırmaq təklif olunub”.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki