S-500 hava hücumundan müdafiə sistemlərinin xaricə tədarükü nəzərdə tutulur. Alp.az Rusiya mətbuatına istinadən xəbər verir ki,Rusiya ordusu yeni S-500 “Prometey” hava hücumundan müdafiə sistemləri ilə təhciz edildikdən sonra onların tədarükünə başlanacaq. S-500 “Prometey” hava hücumundan müdafiə sistemlərini istehsal edən “Concern VKO Almaz-Antey” SC şirkətinin baş direktorunun xarici iqtisadi məsələlər üzrə müavini Vyaçeslav Dzirkaln bildirib ki, hazırda Çin və Hindistan S-500 almaqda maraqlıdır.
“İndiki mərhələdə əsas vəzifə öz Silahlı Qüvvələrimizi təmin etməkdir”. deyə Vyaçeslav Dzirkaln bildirib.
Onun sözlərinə görə, “zaman keçdikcə, yəqin ki, S-500-lərin ixrac tədarükü olacaq, lakin bu barədə danışmaq hələ tezdir”.
Vyaçeslav Dzirkaln bildirilib ki, “Prometey”in ilk alıcıları Hindistan və Çin ola bilər.
Rusiya baş nazirinin müavini Yuri Borisov sentyabrın ortalarında Hindistanın S-500-ün ilk xarici alıcısı ola biləcəyini açıqlamışdı.
