“ROSATOM Hindistanda Kudankulam AES-in 6-cı enerji blokunun tikintisinə başlayıb.”- Alp.az xəbər verir ki, bu haqda Rusiyanın hərbi mətbuatı məlumat yayıb.
Verilən məlumata görə 2021-ci il dekabrın 20-də reaktor binasının təməl plitəsinə ilk beton qoyulub.
“Stansiyanın ilk iki enerji bloku nominal güc səviyyəsində stabil işləyir. İkinci mərhələnin enerji blokları tikinti mərhələsindədir: 3 saylı blokda reaktorun təzyiqli qabının quraşdırılmasına hazırlıq işləri aparılır. Bu ilin iyun ayında beşinci enerji blokunda, dekabrın 20-də isə 6 nömrəli enerji blokunda ilk beton tökülüb.Əsas tikinti dövrünə qədəm qoyan Kudankulam AES-in üçüncü mərhələsi Tamil Nadu regionunda və bütövlükdə Hindistan Respublikasında müəssisələrin gələcək sənaye və kommersiya inkişafı üçün əlavə enerji potensialı təmin edəcək, həmçinin dinc nüvə enerjisi sahəsində dost ölkələrimiz arasında əməkdaşlığın genişləndirilməsi perspektivlərinə əlavə inam verəcəkdir.”, -ROSATOM ASC-nin Hindistandakı layihələr və perspektiv layihələr üzrə vitse-prezidenti Andrey Lebedev bildirib.
Qeyd edək ki, Rusiyanın Hindistanda tikinti işlərinin aparması Çin və ABŞ-ın etirazına səbəb olmuşdu.
