Moskvada Rusiya və İran prezidentləri Vladimir Putin və İbrahim Rəisi arasında danışıqlar gedir. Bu barədə RİA Novosti xəbər verir.
Ölkələrin liderləri ikitərəfli əməkdaşlığın bütün spektrini, o cümlədən ticarət-iqtisadi sahədə birgə layihələrin həyata keçirilməsini, eləcə də aktual beynəlxalq və regional mövzuları müzakirə edirlər.
Qeyd edək ki, Rəisi Moskvaya getməzdən əvvəl deyib ki, İran prezidentinin Moskvaya səfəri İslam Respublikası ilə Rusiya Federasiyası arasında siyasi, iqtisadi və ticarət əlaqələrində dönüş nöqtəsi ola bilər.
