“Artıq uzun illərdir keçirilən bu təlimlər regional təhlükəsizliyin təmin olunması baxımından çox əhəmiyyətlidir”. Bu sözləri SİA-ya açıqlamasında hərbi ekspert Ramil Məmmədli deyib.
Onun sözlərinə görə, nəzərə alsaq ki, Azərbaycan-Türkiyə strateji müttəfiqdir və NATO ilə sıx əməkdaşlıq çərçivəsində fəaliyyət göstərən Gürcüstandır bu zaman dolayısı ilə Türkiyə ilə hərbi əməkdaşlığı mövcuddur: “Bu baxımdan demək istəyirəm ki, regional təhlükəsizliyin təmin olunması üçün bu üç ölkənin birgə hərbi təlimlərin keçirilməsi və hərbi sahədə, silahlı qüvvələr sahəsində əməkdaşlıq etməsi olduqca əhəmiyyətlidir. Məsələnin digər tərəfi isə əlbəttə ki, regionda digər güc balansı ilə bağlıdır. Bu Rusiya, Ermənistan, İran amilidir. Azərbaycan-Gürcüstan-Türkiyə isə bu balansda başqa bir istiqamət tuturlar. Hesab edirəm ki, Azərbaycan-Türkiyə-Gürcüstan hərbi əməkdaşlığının bağlayıcı qüvvəsidir”.
Ramil Məmmədli həmçinin qeyd edib ki, təlimlər daha çox hərbi-siyasi məqsəd daşıyır: “Bu baxımdan da həm də bu tipli təlim Gürcüstanın Azərbaycan və Türkiyə ilə sıx əməkdaşlıq səviyyəsində olmasına da böyük bir təkan verir. Ümumilikdə regionda iki hərbi qüvvə var: Rusiya-Ermənistan-İran və Azərbaycan-Türkiyə-Gürcüstan. Bu baxımdan bu üç ölkənin birgə əməkdaşlıq etməsi zərurətə çevrilmişdir”.
