Qırğızıstan və Tacikistan sərhədində atışma olub, tacik hərbçiləri minaatanlardan istifadə ediblər.
Alp.az 24.kg nəşrinə istinadən xəbər verir ki, bu informasiyanı Qırğızıstan Milli Təhlükəsizlik Dövlət Komitəsinin sərhəd xidməti yayıb.
Qırğızıstan hakimiyyətinin məlumatına görə, tacik hərbçiləri şərti sərhəd xəttini qanunsuz keçərək Qırğızıstan ərazisinə daxil olublar:
“Sərhəd dəstəsi onları Batken rayonunun Bulak-Başı ərazisində aşkar edib. Məlumata görə, tacik hərbçiləri ərazini tərk etmək tələblərinə məhəl qoymayaraq minaatanlardan istifadə ediblər”.
İlkin xəbərə görə, Qırğızıstanlı hərbçilər arasında xəsarət alan yoxdur. Daha sonra tərəflər arasında telefon danışığı aparılıb, lakin əldə olunan razılaşmalara baxmayaraq, atışma yenə davam edib.
Respublika rəsmiləri tacik həmkarlarını dərhal atəşi dayandırmağa çağırıblar. Tacikistan hakimiyyəti insidentlə bağlı hələlik şərh verməyib.
Yanvarın sonundan Qırğızıstan-Tacikistan sərhədində gərginlik davam edir.
Sərhədçilər arasında atışma zamanı iki Tacikistan əsgəri həlak olub, 6 Tacikistan, 8 Qırğızıstan əsgəri isə yaralanıb.konkret
