“Paşinyan ikili oyun oynayır. Məsuliyyəti öz üzərindən atmaq üçün başqalarını oyuna atır. Bu şahmat gedişidir”, – Alp.az xəbər verir ki, bunu Ermənistan Mühafizəkarlar Partiyasının rəhbəri Mikael Ayrapetyan müsahibəsində deyib.
Partiya sədri müsahibəsində Ermənistan-Türkiyə münasibətləri üzrə danışıqlara toxunaraq Paşinyanın siyasətini tənqid edib.
“Bildiyiniz kimi, Ermənistan bu danışıqlarda əsas müzakirəçi qismində Ruben Rubinyanı təyin edib. Müxalifət isə hakimiyyətin bu təyinatını tənqid edir ki, onun belə çətin danışıqlar aparmaq təcrübəsi yoxdur. ”, – deyə M.Ayrapetyan əlavə edib.
M.Ayrapetyan baş nazir N.Paşinyanın Gürcüstana səfərinə də toxunub:”Ruslar ona deyiblər: get, sən də bu ölkə ilə 3+3-dən danış. N.Paşinyanın ağzı ilə Rusiya Federasiyası Gürcüstana bəzi vədlər verib. Hər şey çox sadədir. Sizcə, Rusiya və Türkiyənin bu qədər gücləri var, Qərb isə bu qədər acınacaqlı vəziyyətdədir ki, bölgəni Rusiya və Türkiyəyə versin?.Qərb onsuzda Qarabağa görə Rusiya və Türkiyəni bağışlamayacaq ”- deyə Ayrapetyan bildirib.
