“Qədr gecəsi hansısa mərasimin təşkil edildiyi gecə deyil. Qədr gecəsi özəl bir ibadətin həyata keçirildiyi və ya hansısa xüsusi duaların oxunduğu şans gecəsi heç deyil. Bu gecə Quranın gəlməyə başladığı gecədir”.
Alp.az xəbər veri ki, bu fikirləri ilahiyyatçı Elşad Miri feysbukdakı növbəti paylaşımında səsləndirib.
O, Qədr gecəsi bəzi insanların Quranı açaraq başlarının üstünə qoyması ritualına da münasibət bildirib:
“Qədr gecəsi insanların Quran kitabı açaraq başlarının üstünə qoyduğunun şahidi oluruq. Bunun dinlə heç bir əlaqəsi yoxdur. Əgər kitabı başımızın üstünə qoymaqla orada yazılanlar başımıza girəcəksə gəlin onda hamımız bunu edək. Başımıza girmirsə saatlarla deyil, günlərlə bunu etsək də faydası olmayacaq. Quran ayələri oradan sıyrılıb ürəklərimizə süzülməyəcək. Quranı başımızın üstünə yox, başımızın içinə yerləşdirmək lazımdır”.
