Almaniya hökuməti Hizbullaha yardım etmək ittihamı ilə ölkədəki üç təşkilatın fəaliyyətini dayandırdı
Alp.az xəbər verir ki, Almaniya Daxili İşlər Nazirliyi Hizbullah yaraqlılarına köməklik göstərmək ittihamı ilə ölkədə fəaliyyət göstərən üç təşkilatıın fəaliyyətini dayandırdığını açıqlayıb.
Bu üç təşkilat daha öncə fəaliyyət göstərən “Yetim Projəsi”nə alternativ olaraq fəaliyyətdə olub. 2014-cü ildə Almaniya hökuməti tərəfindən fəaliyyəti dayandırılan təşkilat, daha sonralar “Yetimlər üçün rənglər” adını alıb.
Hər üç təşkilat eyni quruluşdan istifadə edərək, cəmiyyətin özəl qruplarını hədəf almaq üçün özünün insan və maliyyə mənbələrindən istifadə edib.
Almaniya DİN sözügedən təşkilatların dini və insani yardımlar adı altında Hizbullahda ölənlərin ailələri üçün Livanda fəaliyyət göstərən “Şəhid Fondu” üçün maliyyə yardımları topladığını təsdiq edib.
Xatırladaq ki, 2020-ci ilin aprelin 30-da plakat daşımaq, bayraq qaldırmaq, şüar səsləndirmək kimi faəliyyətlər də daxil olmaqla Hizbullahın bütün fəaliyyətləri Almaniyada qadağan edilib.
