Qazaxıstan Müdafiə Nazirliyinin rəhbərliyi ölkənin zirehli texnika istehsal edən yerli “Kazakhstan Paramount Engineering” (KPE) şirkətinin zavodunda olub.
Alp.az-ın məlumatına görə, bu barədə “Poliqon” Qazaxıstan Müdafiə Nazirliyinin Mətbuat Xidmətinə istinadən xəbər verib.
Bildirilib ki, Qazaxıstanın müdafiə naziri general-polkovnik Ruslan Jaksılıkov zavodun istehsal prosesi ilə tanış olub. Bundan başqa, müdafiə nazirinə konstruktor bürosunun iş prosesi də göstərilib.
General-polkovnik Ruslan Jaksılıkov Qazaxıstanın müdafiə qabiliyyətini gücləndirmək üçün Silahlı Qüvvələrin və yerli istehsalçıların səylərini birləşdirməyin zəruriliyini vurğulayıb.
Qeyd olunub ki, Qazaxıstan Müdafiə Nazirliyinin bütün səyləri yerli müdafiə sənayesini dəstəkləməyə yönəlib.
