Erməni ictimai xadim Vahe Sarkisyan dünən “Facebook” səhifəsində qeyd yazaraq Ermənistan parlamentinin “Mənim addımım” fraksiyasının deputatı Armen Xaçatryana müraciət edib.
Sarkisyan öz qeydində Xaçatryanın adını xüsusi şəkildə qeyd edib ki, Xaçatryan qeyddən xəbərdar olsun. Lakin Armen Xaçatryan bu qeydə hələlik heç bir cavab verməyib.
Sarkisyanın əvəzinə qeydə orada adı çəkilən jurnalist Nairi Hoxikyan cavab verib.
“Vahe can, mən özüm Gorusa getdim, yerli sakinlərlə görüşdüm, Qaragöl ərazisinə getməyə çalışdım, ancaq Silahlı Qüvvələrin nümayəndələri də daxil olmaqla cavab aldım ki, Qaragöl tamamilə Azərbaycan tərəfinin nəzarəti altındadır. Armen Xaçatryan adlı bu adam bu günə qədər sözün əsl mənasında qaçıb”, – deyə o yazıb.
